جاني الخبرياصاحبي واظلم الكون00
قدام عيني ثم نطقت الشهادة
على العموم اقولها الف مليون00
مبروك من قلب شكالك بعاده
مبروك لايهمك سواليف وضنون00
من عاشق يهديك فرحة فؤاده
سو الفرح اليوم وابليس اعوذ بالله00
واللي يشب النار يجني رماده
انا اول العالم على القصر يلفون00
اول معازيم الفرح والحداده
ابشر انا برقص على العرس بالهون00
كلن يعبر فرحته باجتهاده
لو البلا رقصي يقولون مزيون00
المشكلة القلب يفضح وداده
يوم العذارى في دخولك يغنون00
وعروستك باحلى ثواني السعادة
كنت اتمنى والله بدالها اكون00
واحط انا كفي تحت راسك وساده
واشلون ابكتم صرختي يوم تمشون00
تكفى00خذني للعروسه قلاده
حتى معازيم الفرح قامو يمشون00
واصبحت انا وحدي بدون استفادة
وطفو علي النور من غير يدرون00
قصر الفرح ياقبر(منيرا) ومهاده
وصيتي لو جاك بنت وانا امون00
سميتها لك(منيرا)قبل الولاده
ان شاءالله تعجبكم00
اختكم000 لحونه